Manipur Violence منی پور تشدد کے خلاف بنگلور میں احتجاج

منی پور تشدد کے خلاف بنگلور میں سوشلسٹ یونٹی سینٹر آف انڈیا کمیونسٹ کی جانب سے آج فریڈم پارک میں پرزور احتجاجی مظاہرہ کا انعقاد کیا گیا۔ اس دوران بھارتیہ جنتا پارٹی و وزیراعظم نریندر مودی کے خلاف نعرے بازی بھی کی گئی۔ protest in Bengaluru against Manipur violence

بنگلور: شمال مشرقی ریاست منی پور میں تشدد کئی ہفتہ سے جاری ہے۔ آئے دن نئے حملوں کی واردات پیش آرہی ہیں اور اس درمیان معصوم لوگوں کی جانیں جارہی ہیں اور ہزاروں کی تعداد میں لوگ اپنے گھروں کو چھوڑ کر جانے پر مجبور ہیں۔ منی پور کے حالات کو لے بنگلور میں ایس یو سی آئی کمیونسٹ کی جانب سے آج فریڈم پارک میں پرزور احتجاجی مظاہرہ کا انعقاد کیا گیا۔ اس دوران بھارتیہ جنتا پارٹی و وزیراعظم نریندر مودی کے خلاف نعرے بازی بھی کی گئی۔

منی پور تشدد کے خلاف ایس یو سی آئی کا بنگلور میں احتجاج

ایس یو سی آئی کمیونسٹ پارٹی کے رہنما سری رام نے کہا کہ بین النسلی نفرت اور قتل جیسے تشدد کے سیاہ اور خون آلود بادل نے مئی کے اوائل سے منی پور کو لپیٹ میں لے لیا ہے، جہاں ریاست کے بے بس شہری اور باشندے مرکزی حکومت اور باقی ہندوستان دونوں کی طرف سے مکمل طور پر لاوارث محسوس کر رہے ہیں۔ مرکزی وزیر داخلہ امت شاہ نے 24 جون کو آل پارٹی میٹنگ کی صدارت کی۔ امید ہے کہ نئی دہلی کی طرف سے صورتحال کو بہتر بنانے کے لیے کسی قسم کی متفقہ سیاسی مداخلت شروع کی جائے گی۔

منی پور تشدد کے خلاف ایس یو سی آئی کا بنگلور میں احتجاج

واضح رہے کہ مختلف ریپورٹس یہ بتا رہے ہیں کہ ہنگامہ آرائی سے متاثرہ ریاست میں تشدد 3 مئی کو پھوٹ پڑے تھے (جس کی وجہ ایک نسل کو خصوصی شیڈولڈ ٹرائب کا درجہ دینے کے مطالبے سے متعلق عدالتی حکم تھا)، جس کی وجہ سے تقریباً 120 لوگ مارے گئے ہیں، سینکڑوں زخمی اور تقریباً 50,000 رہائشی بے گھر ہو گئے ہیں۔ ان میں سے کئی اب ریلیف کیمپوں میں پناہ کی تلاش میں ہیں۔ حال ہی میں اپوزیشن لیڈر و کانگریس رہنما راہل گاندھی نے منی پور کا دورہ کیا اور رلیف کیمپس میں پہنچ کر متاثرین سے ملاقات کی، لیکن اس سے بھی حالات میں کوئی سدھار دیکھنے کو نہیں مل رہا یے۔

منی پور تشدد کے خلاف ایس یو سی آئی کا بنگلور میں احتجاج