UCC یونیفارم سول کوڈ پر سدرامیا کے موقف کی ستائش

مجلس تعمیر ملت گلبرگہ اور گلبرگہ وقف مشاورتی کمیٹی کے نائب صدر چودھری حیدر علی باغبان نے کامن سیول کوڈ کے معاملے پر کرناٹک کے وزیر اعلیٰ سدرامیا کے موقف کی ستائش کی۔

بیدر: چودھری حیدر علی باغبان نے کہا کہ سدرامیا نے یو سی سی کی مخالفت کرکے ایک طرح سے ریاست کے اقلیتوں کو راحت کی سانس فراہم کی ہے۔ سدرامیا کے اس اقدام سے یقینی طور پر ان کے سیکولر مزاج کا پتہ چلتا ہے. سیکولرزم کے تئیں ان کے اٹوٹ جذبے کا بھی پتہ چلتا ہے۔ یہاں یہ بات قابل ذکر ہے کہ امیر شریعت کرناٹک مولانا صغیر احمد خان رشادی کی قیادت میں مسلمانوں کے ایک وفد نے یوسی سی کے معاملے پر وزیر اعلیٰ سدرامیا سے ملاقات کی تھی۔

اس کے جواب میں وزیراعلیٰ سدرامیا نے مسلم وفد کو یقین دہانی کرائی تھی کہ کرناٹک میں کسی بھی صورت میں یو سی سی کا نفاذ نہیں ہو گا۔ وفد کے ملاقات کے دوران سدرامیا نے کہا تھا کہ آئین کی دفعہ25ملک کے تمام شہریوں کی مذہبی آزادی دیتا ہے ۔ کرناٹک حکومت دستور کے تئیں پابند ہے۔

چودھری حیدر علی باغبان کا کہنا ہے کہ یو سی سی کے معاملے پر سدرامیا کے اس دو ٹوک موقف سے ریاستی مسلمانوں کی نظر میں سدرامیا کی سیکولر و انصاف پسند اوراقلیت نواز امیج مزید بہتری آئی ہے۔ان سے توقع کی جا رہی ہے کہ مستقبل میں بھی سدرامیا مسلمانوں کی فلاح بہبود کیلئے عملی اقدامات اٹھا کر اپنی اس امیج کو برقرار رکھیں گے۔

ان کا کہنا ہے کہ یوسی سی کے معاملے پر مسلم ارکان اسمبلی و لیڈران، کارپوریٹرس اور کونسلرس کی خاموشی پر بھی سوال اٹھائے۔ مسلم ارکان نے یو سی سی کے معاملے پر کوئی بھی سرگرمی نہیں دکھائی۔