ریاست کرناٹک کے سابق وزیراعلی سدارميا نے جنتا دل سیکولر۔ كانگریس مخلوط حکومت کو گرانے کے لیے خود کو ذمہ دار ٹہرائے جانے پر سابق وزیراعظم اور جنتا دل سیکولرکے سربراہ ایچ ڈی دیوے گوڑا کے الزامات سے صاف انکار کیا ہے۔
کانگریسی رہنما سدارمیا نے صحافیوں سے بات چیت میں مخلوط حکومت کو گرانے سے متعلق الزامات کو سرے سے مسترد کر دیا۔
انہوں نے کہا کہ 'سابق وزیراعظم نے میرے خلاف سیاسی مقاصد کے تحت ایسا تبصرہ کیا ہے۔'
سابق وزیراعلی نے کہا کہ 'جنتا دل سیکولر کے رہنما ایچ ڈی كمار سوامی کو ریاست کا وزیراعلی بنانے کی حمایت کے لیے پارٹی کے اعلی کمان کی ہدایات کے مطابق کام کیا تھا۔'
انہوں نے کہا کہ 'كمارسوامی کا رویہ اور ان کے وزراء کی طرف سے دوسرے وزراء کے دفتر میں مداخلت اور دیوے گوڑا کے دوسرے بیٹے ایچ ڈی ریوننا مخلوط حکومت کے زوال کا سبب بنے۔'