گلبرگہ: یوم عاشورہ کے روزے کے لیے سحر و افطار کا اہتمام

ریاست کرناٹک کے شہر گلبرگہ میں یوم عاشورہ کے موقع پر نویں اور دسویں محرم کو مدینہ مسجد محبوب نگر کالونی کی جانب سے سحر وافطار کا اہتمام کیا گیا۔

اس موقع پر مسجد کے ذمہ دارن نے بتایا کہ، ' پچھلے پانچ سالوں سے مسجد میں ماہ محرم کی نویں اور دسویں کو عوام کے لیے سحر و افطار کا اہتمام بڑے پیمانے پر کیا جاتا ہے۔ جس کے لیے بھاری مقدار میں پکوان بنایا جاتا تھا، لیکن رواں برس کورونا وائرس کی وجہ سے مختصر افراد کے لیے ہی سحر اور افطاری کا اہتمام کیا جارہا ہے۔

کھانے کے برتن اور پانی کے کپ بھی ریڈی میڈ استعمال کیاجارہا ہے۔ اس دوران یوم عاشورہ کے دن ملک میں پھیلی ہوئی وبا کورونا وائرس کے خاتمہ کے لیے بھی خصوصی دعا کر نے کا بھی اہتمام کیا جارہا ہے۔