یادگیر: ایس ڈی پی آئی کا مہنگائی کے خلاف ریلی نکالنے کا اعلان

کرناٹک کے ضلع یادگیر کےسوشل ڈیموکریٹک پارٹی آف انڈیا (ایس ڈی پی آئی) نے مہنگائی کے خلاف احتجاج کرنےکا فیصلہ کیا ہے۔

اس سلسلے میں ایس ڈی پی آئی کے ضلع صدر سید اسحاق خالد نے میڈیا سے بات کرتے ہوئے کہا کہ مہنگائی کے خلاف نئے بس اسٹینڈ شاہ پور سے بسویشور چوک تک احتجاجی ریلی نکالی جائے گی۔

مرکزی اور ریاستی حکومت کے خلاف اس احتجاج میں مختلف غیر سیاسی تنظیموں کے ذمہ داران بھی شرکت کریں گے۔

سید اسحاق خالد نے مزید کہا کہ مرکزی حکومت سب کا ساتھ سب کا وکاس بول کر اقتدار میں آنے کے بعد اپنے کئے ہوئے وعدوں کو بھول گئی ہے۔

سید اسحاق خالد نے کہا کہ آج ملک بھر میں کسی نہ کسی مسئلے پر عوام احتجاج کررہے ہیں تاہم مرکزی حکومت بے حس ہو گئی ہے۔

انہوں نے عوام سے اپیل کی کہ مہنگائی کے خلاف احتجاج میں شامل ہوکر اس احتجاج کو کامیاب بنائیں۔