ایس ڈی پی آئی، بلدیہ انتخابات میں حصہ لے گی

ریاست کرناٹک کے ضلع یادگیر کی سوشل ڈیموکریٹک پارٹی آف انڈیا، شاہ پور کے بلدیہ انتخابات میں 10 سے زائد امیدوار میدان میں اتارے گی، جس میں سے دو خواتین امیدوار بھی شامل ہوں گی۔

سوشل ڈیموکریٹک پارٹی آف انڈیا کے ضلعی صدر سید اسحاق حسین نے ای ٹی وی بھارت سے بات کرتے ہوئے کہا کہ یادگیر شاہ پور کے 31 بلدیہ حلقوں کے مسلم اور دلت اکثریت والے علاقوں میں اپنے امیدوار اتارے گی۔

انہوں نے کہا کہ 'ایس ڈی پی آئی سوشل ڈیموکریٹک پارٹی آف انڈیا شاہ پور میں عام لوگوں کے بنیادی مسائل کو لے کر ہمیشہ آواز اٹھائی ہے۔ انشاءاللہ امید ہے کہ ہمیں اس بلدی انتخابات میں زیادہ سے زیادہ حلقوں میں کامیابی ملے گی۔

انہوں نے مزید کہا کہ پارٹی شاہ پور کے بلدیہ انتخابات میں دس سے زائد امیدوار میدان میں اتارے گی۔ جس میں دو خواتین امیدوار بھی شامل ہوں گی۔

واضح رہے کہ ضلع یادگیر کے تعلقہ شاہ پور میں بلدیہ کے انتخابات ہونے جارہے ہیں پرچہ نامزدگی شروع ہوچکی ہے 16 مئی آخری تاریخ ہے 29 مئی کو انتخابات ہوں گے اور 31 مئی کو ووٹوں کی گنتی ہوگی ۔