SDPI Protests Against Inflation: گلبرگہ میں مہنگائی کے خاف ایس ڈی پی آئی کا احتجاج

کرناٹک کے گلبرگہ میں ایس ڈی پی آئی کے جانب سے مرکزی و ریاستی حکومت کے خلاف احتجاجی مظاہرہ کیا گیا۔ SDPI Protests Against Inflation

گلبرگہ میں ایس ڈی پی آئی نے ملک میں دن بدن پٹرول، ڈیزل، گیس اور دیگر اشیاء کی قیمتوں میں بے تحاشہ اضافہ کے خلاف احتجاج کیا۔ مولانا آزاد نیشنل چوک پر مرکزی و ریاستی حکومت کے خلاف نعرے بازی کی گئی اور ملک میں بڑھتی مہنگائی کے خلاف احتجاجی مظاہرہ کیا گیا۔ SDPI Protests Against Inflation In Gulbarga

اس موقع پر ایس ڈی پی آئی کے رکن عبدالرحیم پاٹیل نے کہا کہ مرکزی و ریاستی حکومت، عوام کی فلاح و بہبود اور ترقی کےلیے کام کرنے کے بجائے عوام مخالف اقدامات کے ذریعہ لوگوں کو پریشان کیا جارہا ہے۔ بی جے پی حکومت پوری طرح ناکام ہوچکی ہے اور اپنی ناکامیوں کو چھپانے کےلیے لوگوں میں تفرقہ پیدا کیا جارہا ہے اور فرقہ پرستی کا زہر گھولا جارہا ہے تاکہ لوگوں کو گمراہ کیا جاسکے۔

انہوں نے کہا کہ عوام، ملک میں بڑھتی ہوئی مہنگائی سے پریشان ہیں، ایسے میں بی جے پی حکومت ہندو مسلم کے درمیان نفرت پیدا کر کے فسادات کےلیے کوشاں ہے۔ مندر اور دیگر مذہبی مقامات کے قریب مسلم تاجرین کو نشانہ بنایا جایا جارہا ہے، اسی لیے آئندہ اسمبلی انتخابات میں تمام سیکولر جماعتوں میں اتحاد کے ذریعہ بی جے پی شکست دینے ضروری ہے تاکہ ملک کی ترقی ہوسکے۔