SDPI Protest گلبرگہ میں ایس ڈی پی آئی کا مسلم ریزورزیشن کی منسوخی کے خلاف احتجاج

گلبرگہ میں ایس ڈی پی آئی کے سینکڑوں حامیوں نے مسلمانوں کے لیے مختص چار فیصد ریزوریشن ریاست کی بی جے پی حکومت کی جانب سے منسوخ کیے جانے کے خلاف جم کر احتجاج کیا۔ ایس ڈی پی آئی کے رہنماوں کا کہنا ہے کہ ریزوریشن کی منسوخی مسلمانوں کے ساتھ امتیازی سلوک ہے۔ SDPI Protest

گلبرگہ: ریاست کرناٹک میں مسلم ریزوریشن کی منسوخی کے خلاف عام لوگوں اور سیاسی جماعتوں کے رہنماوں کے درمیان زبردست ناراضگی پائی جا رہی ہے۔ اپوزیشن پارٹیاں ریاستی حکومت کے ریزوریشن منسوخی کے خلاف سڑکوں پر اترنے لگی ہیں۔ اسی درمیان گلبرگہ میں سوشل ڈیموکریٹک پارٹی آف انڈیا کے حامیوں کرنے کے خلاف مسلمانوں کے لیے مختص چار فیصد ریزوریشن کی منسوخی کے فیصلے کےخلاف زور دار احتجاج کیا۔ سڑکوں کی ناکہ بندی بھی کی۔

ایس ڈی پی آئی پارٹی کے جانب سے ریاستی بی جے پی حکومت کے خلاف شدید مذمت کر تے ہوئے یہاں کے نیشنل چوک پر احتجاج کیا گیا۔اس موقع پر ایس ڈی پی آئی کے لیڈر عبدالرحیم پٹل نے کہاکہ کرناٹک کے وزیر اعلی بسوراج بومئ نے مسلمانوں کو ملنے والے چار فیصد ریزوریشن کی منسوخی کرکے مسلم مخالف پالیسی کا اظہار کیا ہے۔مسلمانوں کو ملنے والے ریزوریشن اب دوسرے مذہب کے لوگوں دینے کا فیصلہ کیا ہے تاکہ وہ ووٹ بینک کو مضبوط بنا سکے۔

انہوں نے کہا کہ سچر کمپٹی کی رپورٹ کے مطابق ملک بھر میں مسلمان کئی اعتبار سے خستہ حالی کے شکار ہیں۔پسماندہ مسلمانوں کے لئے جو چار فیصد ریزوریشن تھا اسے بھی ختم کردیا گیا۔ بی جے پی کی قیادت والی ریاستی حکومت نے مسلمانوں سے ان کے جائز حق سے بھی محروم کرنے کی کوشش کی ہے۔ ان کا کہنا ہے کہ کرناٹک کے وزیراعلیٰ سے مطالبہ ہے کہ مسلمانوں کو 2 بی کے تحت ملنے والے چار فیصد ریزوریشن کو دوبارہ جاری کیا جائے تاکہ اقلیتی طبقہ اس کا فائدہ اٹھا سکے۔