گلبرگہ: ایس ڈی پی آئی نے حکومت کے خلاف احتجاج کیا

ریاست کرناٹک کے گلبرگہ شہر میں ایس ڈی پی آئی کے جانب سے حکومت کے خلاف احتجاج کیا گیا۔ اس موقع پر ایس ڈی پی آئی کے سابق صدر محسن نے کہا کہ بنگلور ڈی جے ہلی میں ہوئے فسادات کے معاملے کو لیکر بی جے پی حکومت این آئی اے کے ذر یعے صرف مسلم لیڈران کو ہی نشانہ بنا کر گرفتار کر رہی ہے۔

محمد محسن نے کہا کہ بنگلور ڈی جے ہلی میں فسادات برپا کر نے والا نوین نامی شخص پر کوئی کارروائی نہیں کی گئی، صرف ایس ڈی پی آئی، پی ایف آئی کے کارکنان کو ہی نشانہ بنا کر گرفتار کی جارہی ہے۔

ساتھ ہی انہوں نے الزام عائد کرتے ہوئے کہا کہ این آئی اے صرف بی جے پی اور آر ایس ایس کے اشاروں پر کام کر رہی ہے۔ ریاستی حکومت اے این آئی کا غلط استعمال کر رہی ہے۔

محسن نے کہا کہ بنگلور میں اب تک صرف مسلم نوجوانوں کو ہی گرفتا رکیا گیا ہے، جو اس تشدد میں شامل نہیں تھے۔ اس لئے جلد سے جلد گرفتار کئے گئے افراد کو رہا کرنے کا مطالبہ کیا گیا۔