گلبرگہ: گئوکشی بل کے خلاف ایس ڈی پی آئی نے احتجاج کیا

ایس ڈی پی آئی پارٹی نے ضلع کمشنر آفیس کے سامنے بی جے پی حکومت کے خلاف احتجاج کے دوران گورنر سے انسداد گئو کشی بل پر دستخط نہ کرنے کی اپیل کی۔

ریاست کرناٹک کے گلبرگہ شہر میں ایس ڈی پی آئی پارٹی کی جانب سے ضلع کمشنر آفیس کے سامنے بی جے پی حکومت کے خلاف احتجاج کیا گیا۔ اس دوران ایس ڈی پی آئی نے گورنر سے انسداد گئو کشی بل پر دستخط نہیں کرنے کی اپیل کی۔

اس موقع پر ایس ڈی پی کے گلبرگہ ضلع سیکریٹری ڈاکٹر رضوان نے کہا کہ، 'کرناٹک میں بی جے پی حکومت اپوزیشن پارٹیوں سے مشورہ کیے بغیر ریاست میں گئو کشی پر پابندی کا آرڈیننس جاری کر نے کا فیصلہ کیا ہے۔'

انہوں نے کہا کہ، 'گئو کشی بل کو دستخط کے لیے گورنر کے پاس بھیجا گیا ہے۔ اس لئے آج ایس ڈی پی آئی کے جانب سے ریاست بھر میں اس بل کی مخالفت کی جارہی ہے۔'

ڈاکٹر رضوان نے کہا کہ، 'بی جے پی اپنے سیاسی مفاد کے لیے اس طرح کے غیر ضروری بل لارہی ہے۔ یہ بل کسان، دلت اور پسماندہ طبقے کے خلاف ہے۔ ملک میں ایسے کئی بیف کمپنیاں ہیں، جو بیرون ممالک کے کو بیف ایکسپورٹ کر تے ہیں۔ ان کمپنیوں پر پابندی لگانے کے بجائے غیر ضروری غریب، دلت کسان طبقے کو پریشان کرنے کے لئے بی جے پی حکومت اس طرح کے قانون لارہی ہے۔'

ساتھ ہی انہوں نے جلد سے جلد سے بل کو واپس لینے اور گورنر کو اس بل پر دستخط نہیں کر نے کا مطالبہ کیا۔