ایس ڈی پی آئی کرناٹک کی جانب سے ’بیلگاوی چلو جاتھا‘ کا آغاز

آج بابا صاحب امبیڈکر کی برسی کے موقع پر سوشیل ڈیموکریٹک پارٹی کرناٹک کی جانب سے "بیلگاوی چلو" جاتھا شروع کیا گیا جو کہ ریاستی اسمبلی کے روبرو سے نکل کر بیلگام شہر کی طرف روانہ ہوا.

بنگلور: آج بابا صاحب امبیڈکر کی برسی کے موقع پر سوشیل ڈیموکریٹک پارٹی کرناٹک کی جانب سے "بیلگاوی چلو" جاتھا شروع کیا گیا جو کہ ریاستی اسمبلی کے روبرو سے نکل کر بیلگام شہر کی طرف روانہ ہوا. اس سلسلے میں بات کرتے ہوئے ایس ڈی پی آئی کرناٹک کے صدر عبدالمجید نے کہا کہ کرناٹک میں کانگریس کی حکومت تشکیل ہوئے تقریباً 7 مہینے ہورہے ہیں لیکن ان کی جانب سے مسلمانوں اور دیگر پسماندہ طبقات و کنڑیگاز سے کئے گئے وعدوں پر اب تک کوئی عمل نہیں ہوا ہے.

عبد المجید نے کہا کہ ان کی 3 اہم مطالبات ہیں جن کے ساتھ انہوں نے اس جاتھا کا اہتمام کیا ہے، تاکہ وہ بیلگام شہر، جہاں سورنہ سودھا میں اسمبلی سیشن منعقد کیا جاتا ہے، پہنچکر اپنی مانگوں کو ان کے سامنے رکھیں گے. ایس ڈی پی آئی کے 3 اہم مانگیں یہ ہیں کہ 2 بی رزرویشن کو بحال کرکے اسے 8 فیصد بڑھایا جائے، سداشیو کنیشن کی رپورٹ کے نفاذ کے لئے مرکزی حکومت کو سفارش کی جائے اور کاسٹ سیسز والی کانتراج کمیشن کی رپورٹ کو ریلیز کیا جائے.

انہوں نے بتایا کہ ان کا جاتھا بنگلور سے شروع پوکر 10 اضلاع سے گزرتے ہوئے بیلگام شہر پہونچے گا اور بیلگام کے سورنہ سودھا میں چل رہے اسمبلی سیشن کے دوران برسر اقتدار حکومت کو اپنا میمورنڈم حوالے کریں گے۔