ایس ڈی ٹریڈ یونین مزدوروں کو انصاف دلانے کے لیے کام کرے گی: عبدالرحیم پٹیل

کرناٹک کے شہر بنگلورو کے جے سی نگر میں سوشل ڈیمو کریٹک ٹریڈ یونین (ایس ڈی ٹی یو) کے ذمہ داران نے ریاستی دفتر کا افتتاح کیا۔ اس میں مزدور یونین کے رہنماؤں نے شرکت کی۔

اس موقع پر ایس ڈی ٹی یو کے ریاستی صدر عبد الرحیم پٹیل نے کہا کہ سوشل ڈیموکریٹک ٹریڈ یونین، محنت کش ہاتھوں کے لیے انصاف، نعرے کے ساتھ مزدوروں و حکومت کے درمیان ایک پُل کا کردار ادا کرے گی۔

ایس ڈی ٹی یو کے جنرل سکریٹری فیاض دوڈا مانے نے بتایا کہ 'ان کے ٹریڈ یونین کی سرگرمیوں کا آغاز ہوچکا ہے اور ممبر سازی مہم بھی جاری ہے۔ انہوں نے بتایا کہ ایس ڈی ٹی یو حکومت کی جانب سے بنائی جارہی مزدور مخالف پالیسیوں کےخلاف آواز اٹھائے گی۔

واضح رہے کہ 'ایس ڈی ٹی یو، سوشل ڈیموکریٹک پارٹی آف انڈیا کی ایک ذیلی تنظیم ہے جو مزدوروں کے حقوق کے لیے آواز اٹھاتی ہے۔