جلیٹن دھماکہ: متاثرین کے لیے پانچ پانچ لاکھ روپے معاوضہ کا اعلان

بسوراج بومئی نے جائے وقوع کا دورہ کرنے کے بعد صحافیوں سے کہا کہ اس واقعہ کی تحقیقات کا ذمہ محکمہ کرائم انویسٹی گیشن کو سونپ دیا گیا ہے۔

کرناٹک کے وزیر داخلہ بسوراج بومئی نے منگل کو کہا کہ ریاستی حکومت چکبلاپور ضلع میں ہوئے جلیٹن دھماکہ کے متاثرین کے اہل خانہ کو پانچ پانچ لاکھ روپے کا معاوضہ دے گی۔

مسٹر بومئی نے جائے وقوع کا دورہ کرنے کے بعد صحافیوں سے کہا کہ اس واقعہ کی تحقیقات کا ذمہ محکمہ کرائم انویسٹی گیشن کو سونپ دیا گیا ہے۔

انہوں نے بتایا کہ 'ڈپٹی کمشنر لتا، پولیس انسپکٹر جنرل چندرشیکھر اور پولیس سپرنٹنڈنٹ متھون نے اپنی ذمہ داری سنبھال لی ہے۔'

ان سے پوچھا گیا ہے کہ کیا ان کے پاس کان میں جلیٹن سلاخوں کے ذخیرے کی معلومات ہے اور یہ غیرقانونی کانکنی ضلع انتطامیہ کے علم میں کیوں نہیں آئی۔

انہوں نے کہا کہ یہ واقعہ انتطامیہ کی جانب سے لاپروائی کے سبب پیش آیا اور افسران کو ہدایت دی ہے کہ وہ اس بات کا خیال رکھیں کہ اس طرح کے واقعات مستقبل میں پیش نہ آئیں۔