Ro Ba Ro Help Line ورنگل میں روبرو ہیلپ لائن سینٹر کا قیام

تیلنگانہ کے ورنگل میں واقع اسلامیہ ڈگری کالج کے سابق پرنسپل ڈاکٹر انیس صدیقی نے کہاکہ ہمیں تعلیم یافتہ سماج کی تشکیل کی کوشش کے ساتھ ساتھ اقلیتی طبقے کی لڑکیوں کی شادی کے لئے بھی فکر مند ہونے کی ضرورت ہے ۔اس مسئلے کو حل کرنے کے لئے ایک ہیلپ لائن جاری کیا گیا اس سے غریب والدین کو بڑی مدد ملے گی۔

بیدر:ڈاکٹر انیس صدیقی نے ای ٹی وی بھارت سے لڑکیوں کے رشتوں سے متعلق تفصیلی گفتگو کرتے ہوئے کہا کہ شہر ورنگل میں ہر چھ ماہ میں میگا دو بہ دو (روبرو)پروگرام کا انعقاد کیا جاتا ہے۔ خصوصا لڑکیوں کی شادیوں سے متعلق کام کیا جاتا ہے۔ان کے لئے مناسب رشتہ ڈھونڈنے کی کوشش کی جاتی ہے۔ مختلف شعبہ جات سے وابستہ لڑکے اور لڑکیوں کی تفصیلات جمع کر نے کے مقصد سے پروگرام منعقد کیا جاتا ہے۔

انہوں نے کہاکہ ورنگل میں اب تک 7 میگا دوبہ دو (روبرو) پروگراموں کا انعقاد کیا گیا ہے چونکہ یہ پروگرام ہر چھ ماہ میں ایک بار صرف ایک دن کے لیے ہوتا ہے۔ اتنا بڑا شہر اور لڑکیوں کے رشتوں میں ارہے مسائل کو دیکھتے ہوئے ہم نے عوام کے اصرار پر ہر ہفتہ اور اتوار دوپہر ایک بجے سے چار بجے تک دو بدو ہیلپ لائن سینٹر قائم کیا۔

ان کا کہنا ہے کہ دو بہ دو (روبرو) پروگرام کے تحت 240 سے زائد رشتے طے ہو چکے ہیں اور وہ خوشحال زندگی گزار رہے ہیں۔دو بہ دو (روبرو)ہیلپ لائن سینٹر میں لڑکیوں کے ناموں کے اندراج کے لیے کوئی فیس نہیں لی جاتی ہے ۔ رشتہ طے ہونے کے بعد بھی کوئی فیس لی جاتی ہے۔ یہ صرف اور صرف خدمت خلق کے لئے کیا جاتا ہے۔