Rifa Chamber Of Commerce رفاہ چیمبر آف کامرس کا بزنس نیٹ ورکنگ اجلاس 18 مارچ کو بنگلور میں منعقد ہوگا

رفاہ چیمبر آف کامرس اینڈ انڈسٹری کی جانب سے 18 مارچ کو بنگلور میں ایک بڑے پیمانے پر بزنس نیٹ ورکنگ میٹنگ کا انعقاد کیا جارہا ہے۔اس کا مقصد آنٹرپرنیورز کے درمیان ملاقات اور آپسی تعلقات کی بنیاد پر کاروبار کو فروغ دینا ہے۔Rifa Chamber Of Commerce

بنگلورو: اس سلسلے میں رفاہ ادارے کے ذمہ داران نے 18 مارچ کو بنگلور میں ہونے والی بزنس نیٹورکنگ میٹنگ کے فوائد پر روشنی ڈالی اور سبھی سے شرکت کرنے کی اپیل کی۔

واضح رہے کہ رفاہ چیمبر آف کامرس اینڈ انڈسٹری جماعت ادلامی ہند کا ایک شعبہ ہے جو ملت اسلامیہ میں کاروبار و آنٹرپرنیورز کو فروغ دینے کا کام کرتا ہے۔ رفاہ چیمبر آف کامرس اینڈ انڈسٹری کی جانب سے آنٹرپرنیورز کے لئے ہر ماہ تربیتی کارگاہ منعقد کئے جاتے ہیں جس میں خواتین بھی شریک ہوتی ہیں۔ان تربیتی کارگاہوں میں ماہرین کی جانب سے تربیت دی جاتی ہے کہ کاروبار کے میدان میں کیسے اتریں، کیسے کاروبار کو شروع کیا جائے اور مختلف چیلنجز کو فیس کرتے ہعئے کیسے کامیاب ہوں۔

مذکورہ بزنس نیٹ ورکنگ میٹنگ رفاح چیمبر آف کامرس اینڈ انڈسٹری بنگلور چیپٹر کی جانب سے انعقاد کیا جارہا ہے اور ادارے کے ذمہداران کے مطابق اس اجلاس میں 100 سے زائد آنٹرپرنیورز شرکت کریں گے۔

اس موقع پر رفاح چیمبر آف کامرس اینڈ انڈسٹری کے ذمہ دار اختر علی نے بتایا کہ اس اجلاس میں حکومت ہند کے شعبہ ایم ایس ایم ای کے ڈپٹی ڈائریکٹر گوپی ناتھ مہمان خصوصی کے طور پر شرکت کریں گے اور ایم ایس ایم ای کرناٹک کے ہیڈ و جوَئنٹ ڈائریکٹر محتعمہ سوما چودھری گیسٹ اسپیکر ہوں گے۔

اس موقع پر رفاہ ادارے کے ذمہ داران نے سبھی سے اپیل کی کہ اس بزنیس نیٹ ورکنگ میٹنگ میں شرکت کریں، آنٹرپرنیورز سے ملاقاتیں کریں اور اپنے کاروبار کو بلندیوں تک لے جائیں۔

ان مہمانان کے علاوہ امپورٹ و ایکسپورٹ کے ماہر جو کہ جنوبی افریقہ میں اپنا کاروبار چلاتے ہیں، سید مجاہد کو بھی مدعو کیا گیا ہے جو کہ شرکاء کو درآمد و برآمد کے متعلق تفصیل بتائیں گے۔