گلبرگہ، کرناٹک:مرکزی حکومت کی جانب سے لائی گئی اگنی پتھ اسکیم کے خلاف ملک بھر میں احتجاجی مظاہرے ہورہے ہیں۔ کئی شہروں میں تشدد، آگ زنی اور توڑ پھوڑ کے واقعات رونما ہوئے ہیں۔ Protest Against Agnipath۔اس ضمن میں ای ٹی وی بھارت کے نمائندے نے ایس ڈی پی آئی کی ریاستی نائب صدر محترمہ سیدہ سعدیہ کے ساتھ خصوصی گفتگو کی ہے۔
ریاست کرناٹک گلبرگہ شہر میں ایس ڈی پی آئی کی ریاستی نائب صدر محترمہ سیدہ سعدیہ نے ای ٹی وی بھارت سے خصوصی گفتگو میں کہا کہ مرکزی حکومت ملک میں عوام کی امداد اور ترقیاتی پالیسیوں کو جاری کر نے کے بجائے عوامی مخالف پالیسیوں کو لاگو کر کے عوام کے لیے مشکلات پیدا کر رہی ہے. ملک میں این آر سی، سی اے اے اور کسان مخالف پالیسیوں کی مخالفت کے بعد اب نوجوان میں اگنی پتھ کے خلاف ملک بھر میں بہت بڑا انقلاب دیکھا جارہا ہے۔ جس سے سمجھ میں آتا ہے کہ یہ اسکیم طلبا اور نوجوان مخالف ہے۔ Revolution Against Agnipath in India after CAA NRC anti Farmer Policy
اگنی پتھ اسکیم کا اعلان ہونے کے ساتھ ہی اسکیم کے خلاف کئی جگہوں میں احتجاجی مظاہرے ہورہے ہیں۔ لیکن مرکزی حکومت اس پر کوئی بات نہ کر تے ہوئے اپنی ہی من مانی دکھا رہی ہے. ملک میں کئی جگہوں پر تشدد کا ماحول دیکھا جارہا ہے۔ سرکاری جائدادوں کو نقصان پہنچایا جارہا ہے، جس کا اثر عام لوگوں پر دکھنے میں آرہا ہے۔ محترمہ سیدہ سعدیہ نے احتجاج کرنے والے نوجوانوں سے اپیل کی ہے کہ وہ احتجاج کو پُرامن بنائیں نہ کہ تشدد کا مظاہرہ کیا جائے۔
یہ بھی پڑھیں: