ریاست کرناٹک کے ضلع گلبرگہ میں یہاں کے مسلم چوک پر ایس ڈی پی آئی کے جانب سے بابری مسجد انہدام کارروائی میں ملوث افراد کو سی بی آئی کی اسپیشل کورٹ کی جانب سے باعزت بری کیے جانے کے فیصلے کے خلاف احتجاج کیا گیا۔
اس موقع پر مظاہرین نے کہا کہ یہ فیصلے دستور ہند کے خلاف دیا گیا ہے۔ بابری مسجد شہید کے کئی ثبوت رہنے کے باوجود بھی بی جے پی حکومت اپنی ہی من مانی دکھا رہی ہے۔
قانون اور ثبوت کے تحت اسپیشل کورٹ میں فیصلہ نہیں کیا گیا۔ یہ فیصلہ کرکے عالمی سطح پر بھارت کی شبیہ بگاڑنے کا کام کیا گیا ہے۔ عدالت کے سامنے مجرم امیر ہو یا غیریب لیکن اس کو ایک ہی نظر سے دیکھنا چاہیے تھا۔ لیکن یہ بی جے پی کا فیصلہ ہے۔ یہ فیصلہ گنہگاروں کو بچانے کا فیصلہ ہے۔ اس فیصلہ سے انصاف کا قتل کیا گیا ہے۔
