ریاست کرناٹک کے ضلع یادگیر کے تعلقہ شاہ پور میں نیشنل ومینس فرنٹ شاہ پورکی جانب سے تحصیل آفس کے روبرو احتجاج کیا گیا،یہ احتجاج بلقیس بانو کے عصمت ریزی کے مجرمین کو رہا کیے جانے کے خلاف کیا گیا۔
اس موقع پر مظاہرین سے خطاب کرتے ہوئے نیشنل ومینس فرنٹ کی رکن نزہت فاطمہ نے کہا کہ ہمارے ملک ہندوستان میں دو رخی رویہ اپنایا جا رہا ہے، ملک کے وزیراعظم کو اس بات پر سنجیدگی سے غور کرنے کی ضرورت ہے۔
National Women's Front protest in Shahpur
انہوں نے کہا کہ ملک کے وزیراعظم نریندر مودی خواتین کی تعلیم ترقی اور تربیت کی بات کرتے ہیں، لیکن ملک میں خواتین پر ہورہے مظالم کو روکنے اور خواتین کے تحفظ میں ناکام ہیں۔
اس موقع پر شاہ پور تحصیلدار کو ایک یادداشت پیش کی گئی، جس میں یہ مطالبہ کیا گیا کہ بلقیس بانو کے عصمت ریزی کرنے والے ملزمین کو دوبارہ جیل میں ڈالا جائے
اس موقع پر شاہین بیگم ،صابرہ بیگم ،منورہ فردوس تسنیم بیگم نزہت پروین، صالحہ شاکرہ کے علاوہ دیگر خواتین نے شرکت کی۔