بیدر: شاہین پرائمری اسکول پر مقدمے کے خلاف احتجاج

حال ہی میں شہر بیدر کے شاہین پرائمری اسکول میں شہریت ترمیمی قانون کے تعلق سے بیداری لانے کے سلسلے میں بچوں کا ایک ڈرامہ پیش کیا گیا تھا۔

اس پر آر ایس ایس سے منسلک ایک کارکن نے اعتراض کرتے ہوئے مقامی پولیس نے اسکول پر ملک سے غداری کا مقدمہ درج کر کے بچی کی والدہ اور اسکول کی ہیڈ مسٹریس کو حراست میں لیا ہے۔

کرناٹک پولیس کے ذریعے شہریت ترمیمی قانون کے سلسلے میں منعقد ایک ڈرامے پر طلبا اور اسکول انتظامیہ سے سوالات کرنے پر برہمی کا اظہار کرتے ہوئے شہر بنگلور کے میسور سرکل میں احتجاجی مظاہرہ کیا گیا۔

مظاہرین نے مطالبہ کیا کہ ریاستی بی جے پی حکومت فوری طور پر شاہین اسکول پر درج کردہ مقدمے کو فوری طور پر ہٹائے۔