یادگیر: '' آنگن واڑی میں بچوں کو پیسے کے بجائے اجناس دیا جائے''

ریاست کرناٹک کے ضلع یادگیر میں سینٹرل آف انڈین ٹریڈ یونین، آشا ورکرس، آنگن واڑی ورکرس اور دیگر تنظیموں نے مشترکہ طور پر مرکزی و ریاستی حکومت کی عوام مخالف پالیسیوں کے خلاف ریلی نکال کر احتجاج کیا۔

اس موقع پر مختلف عوامی تنظیموں سے وابسطہ کارکنان نے مرکزی و ریاستی حکومت کی عوام مخالف پالیسیوں کے خلاف نعرے بازی کی اور ڈپٹی کمشنر یادگیر کو وزیر اعظم نریندر مودی کے نام ایک یادداشت پیش کی، جس میں عوام مخالف پالیسیوں کو ردکرنے کی اپیل کی گئی۔


اس موقع پر رادھیکا آشا ورکر نے میڈیا سے بات کرتے ہوئے کہا کہ ملک کے وزیر اعلیٰ 'بیٹی بچاؤ، بیٹی پڑھاؤ' کا نعرہ لگاتے ہیں لیکن آج ملک کی بیٹیاں اپنے مسائل کو لے کر سڑکوں پر نکل آئی ہیں جب کہ مرکزی و ریاستی حکومت ان کے مسائل کو حل کرنے میں غیر سنجیدہ اور ناکام ہیں۔

آنگن واڑی

یادگیر: بچوں سے متعلق تفصیلی سروے کی ہدایت

انہوں نے کہا کہ ہر روز نئے نئے قوانین سے لوگوں میں بے چینی پائی جارہی ہے، انہوں نے بچوں کو آنگن واڑی میں دیے جانے والے اناج کے بدلے ان کو پیسے دیے جانے کی اسکیم کو غیر مناسب بتاتے ہوئے کہا کہ ایسا کرنے سے بچوں کی دیکھ بھال اور نگرانی نہیں ہوگی۔

انہوں نے کہا کہ آنگن واڑی میں بچوں کی نشوونما کے لیے جو اجناس دیئے جاتے ہیں اس سے بچوں کی صحت میں بہتری آتی ہے جب کہ اگر اناج کے بدلے والدین کو پیسے دیے جائیں گے تو والدین ان پیسوں کو بچوں پر خرچ نہیں کریں گے جس کا اثر بچوں کی صحت پر پڑھ سکتا ہے۔