Attack on Circle Inspector Gulbarga سرکل انسپکٹر پر حملے کے خلاف گلبرگہ میں بیاکوارڈ فاؤنڈیشن کا احتجاج

گلبرگہ میں سرکل انسپکٹر پر جان لیوا حملے کے بعد سیاسی رہنماوں اور سماجی اداروں کی جانب سے مظاہروں کا سلسلہ جاری ہے۔ Protest Against Attack on Circle Inspector Gulbarga

گلبرگہ:ریاست کرناٹک گلبرگہ ضلع میں گرامین پولیس انسپکٹر شری شریمنت الال پر ہوئے جان لیوا حملے کے خلاف بیاکوارڈ فاؤنڈیشن کی جانب سے ضلع کمشنر آفیس کے سامنے احتجاج کیا گیا۔ اس موقع پر تنظیم کے ذمہ دار لچپا جمعدار نے کہاکہ گلبرگہ شہر میں منشیات فروشوں کی سرگرمیوں میں تشویشناک طور پر اضافہ ہو اہے ۔ان کی سرگرمیوںکے سبب عام لوگوں کی پریشانیوں میں اضافہ ہوا ہے۔ Protest Against Attack on Circle Inspector Gulbarga

انہوں نے کہاکہ ریاست کرناٹک میں جب ایک سرکل اسپکٹر محفوظ نہیں ہے تو عام لوگوں کی سیکیورٹی کی ضمانت کون لے گا۔عام لوگوں کی سیکیورٹی کے لئے کون انتظامات کرے گا۔منشیات فروشوں کا حملہ سرکل انسپکڑ پر نہیں بلکہ ریاست کرناٹک پر حملہ تصور کیا جائے گا۔ ان کاکہنا ہے کہ کرناٹک کی حکومت اس سلسلے میں سخت کارروائی کرے تا کہ سرکل انسپکڑ پر جان لیوا حملہ کرنے والوں کو جلد سے جلد گرفتار کرکے سلاخوں کے پیچھے بھیجا جا سکے۔

واضح رہے کہ گذشتہ روز گلبرگہ گرامین کے سرکل انسپکڑ پر کرناٹک مہاراشٹر کی سرحد پرمنشیات فروشوں کے خلاف چھاپہ ماری مہم کے دوران جان لیوا حملہ کیا گیا تھا۔اس حملے میں وہ شدید طور پرزخمی ہوگئے ۔گلبرگی کے پرائیوٹ ہسپتال میں داخل کرایا گیا جہاں ان کی حالت بگڑنے پر بنگلورو کے ہسپتال منتقل کیا گیا۔۔Protest Against Attack On Circle Inspector In Gulbarga In Karnataka