یادگیر میں زرعی قوانین کے خلاف کسانوں کا احتجاج

ریاست کرناٹک کے ضلع یادگیر میں آج کسان مخالف پالیسیوں کے خلاف احتجاجی ریلی نکالی گئی۔یہ ریلی سبھاش چوک سے گاندھی چوک تک نکالی گئی۔

یادگیر میں مرکزی حکومت کی جانب سے منظور کردہ زرعی بل کے خلاف لوگوں نے ریلی نکال کر اپنا احتجاج درج کرایا۔اس دوران پولیس کی سخت انتظامات کیے گئے تھے۔

سبھاش چوک اور شاستری چوک سے ہوتی ہوئی گاندھی چوک تک ایک بائیک احتجاجی ریلی نکالی گئی۔

اس موقع پر مظاہرین نے لوگوں سے اپنے اپنے کاروبار بند کرنے اور احتجاج میں اپنی حصہ دارای درج کرنے کی اپیل کی ۔گاندھی چوک پر ٹائر جلا کر احتجاج کرنے والوں نے ریاستی اور مرکزی حکومت کے کسان مخالف پالیسیوں کے خلاف نعرے بازی کرتے ہوئے ریاستی حکومت کو کسان مخالف حکومت بتایا۔اس موقع پر کرناٹک رکشنا ویدیکے کے ضلع یادگیر کے صدر بھیمو نائیک ،کانگریس کسانوں مورچہ کے ضلع صدر مانک ریڈی کے علاوہ دلت تنظیموں کے ذمہ داران نے اس بائیک ریلی میں حصہ لیا۔کسانوں کی تائید میں شہر کے مختلف غیر سیاسی تنظیموں کے احتجاجی مظاہرہ کو دیکھتے ہوئے محکمہ پولیس کی جانب سے شہر میں جگہ جگہ حفاظتی انتظامات کئے گئے۔