ریاست کرناٹک کے شہر گلبرگہ میں مسلم چوک پر پاپولر فرنٹ آف انڈیا کی جانب سے ای ڈی کے خلاف زبردست احتجاج کیا گیا۔
گلبرگہ: ای ڈی کے خلاف پی ایف آئی کا احتجاج اس موقع پر گلبرگہ ضلع میں پاپولر فرنٹ آف انڈیا کے سیکریٹری محمد شعیب نے بتایا کہ ملک کے مختلف حصوں میں پاپولر فرنٹ آف انڈیا کے دفاتر اور رہنماؤں کے گھروں پر کی گئی حالیہ چھاپے ماری اور تلاشی یہ ظاہر کرتی ہے کہ انفورسمنٹ ڈائریکٹوریٹ (ای ڈی) ایک غیر جانبدار حکومتی ایجنسی کے بجائے آر ایس ایس کے ہتھیار کی طرح کام کر رہا ہے۔
گلبرگہ: ای ڈی کے خلاف پی ایف آئی کا احتجاج بھارت کے عوام جانتے ہیں کہ پاپولر فرنٹ آف انڈیا کو صرف اس وجہ سے نشانہ بنایا جارہا ہے کیونکہ وہ آر ایس ایس کے عوام مخالف نظریہ کے خلاف اٹل موقف رکھتی ہے۔
پاپولر فرنٹ آف انڈیا ایک عوامی تحریک ہے جو مسلمانوں سمیت تمام پسماندہ اقوام کی تقویت پر اپنی توجہ مرکوز کرتی ہے۔
یہ بھی پڑھیں: انگریزی ٹیچر فاسٹ فوڈ بیچنے پر مجبور
عوام کے تعاون سے چلنے والی تنظیم ہونے کی حیثیت سے اس نے ہمیشہ مالی لین دین کے معاملے میں حکومتی قواعد و ضوابط کی مکمل پابندی کی ہے۔ ای ڈی کے اس طرح سے انتخابی اور غلط استعمال سے یہ واضح ہوتا ہے کہ وہ آر ایس ایس اور اس کی سیاسی جماعت بی جے پی کی تفریقی اور فرقہ وارانہ ایجنڈے کے خلاف اٹھنے والی آوازوں کو دبانے اور خاموش کرنے والی ایک ایجنسی بن کر رہ گئی ہے۔
گلبرگہ: ای ڈی کے خلاف پی ایف آئی کا احتجاج ایک طرف ای ڈی اور دوسری حکومتی تفتیش ایجنسیاں محدود مالی ذرائع اور لین دین والی جماعتوں کے پیچھے پڑی ہوئی ہیں۔
بتا دیں کہ تین دسمبر کو پاپولر فرنٹ آف انڈیا کے دفاتر پر دہلی، راجستھان، مہاراشٹر، مغربی بنگال، بہار، تامل ناڈو، کرناٹک، کیرالا سمیت 26 جگہوں پر ای ڈی کی جانب سے چھاپہ مارے گئے تھے۔
