Poet Atib Azaz نامور شاعر و ناظم مشاعرہ اطیب اعجاز سے خاص ملاقات

نامور شاعر و ناظم مشاعرہ اطیب اعجاز نے ملک کی موجودہ صورتحال اور ادب سے متعلق کئی اہم باتوں پر تبادلہ خیال کرتے ہوئے کہا کہ ہمیں اپنی زبان کو اہمیت دینے کی ضرورت ہے۔Poet Atib Azaz

یادگیر:ریاست کرناٹک کے ضلع یادگیر کے ایک بین ریاستی مشاعرے میں نامور شاعر و ناظم مشاعرہ اطیب اعجاز نے ای ٹی وی بھارت سے گفتگو میں کہا کہ موجودہ دور میں نوجوان بہتر شاعری کر رہے ہیں۔ روایتی شاعری سے ہٹ کر شاعری زیادہ لکھی جارہی ہے ۔Poet Atib Azaz Exclusivly Talk To Etv Bharat

انہوں نے اپنی تصانیف سے متعلق بتایا کہ 'رفاقتوں کے درمیان (شعری مجموعہ ) عالمی نعتیہ انتخاب( نعتیں) لفظ لفظ خوشبو، ( شاعری مجموعہ)گیت ہی گیت (گیتوں کا مجموعہ) مضامین اطیب (نثری کتاب) تنہائی کا ساز (شاعری) نظمیں (منتخب نظموں کا مجموعہ) میں نے کہا (شعری مجموعہ) اور دیگر شعری اور نثری مجموعہ شائع ہو چکے ہیں خاک پائے رسول (نعتیں ) دلبر (غزلیں ) میری چاہت ( غزلیں) البموں میں آپ کا کلام شامل کیا گیا ہے۔

دوردرشن، ای ٹی وی اور ریڈیو پر آپ نے کئی بار کلام پیش کیا۔ مشاعروں میں نظامت کے حوالے سے پوچھے گئے سوال پر انہوں نے کہا کہ میں نے ملک کی مختلف ریاستوں میں بحیثیت ناظم مشاعرہ شرکت کی ہے۔ اس کے لئے میں اردو تنظیموں کے ذمہ داران مشاعرہ آرگنائزنگ کمیٹیوں کا شکر گزار ہوں کہ انہوں نے مجھے اس لائق سمجھا اور اپنے فن کا مظاہرہ کرنے کا موقع عطا کیا۔

انہوں نے کہاکہ مشاعرے میں نظامت کرنا ایک فن ہے ناظم مشاعرہ کو وقت کا بڑا پابند اور سامعین کی پسند کا خیال رکھنا نہایت ضروری ہوتا ہے آخر میں انہوں نے ای ٹی وی بھارت کے ناظرین کے لیے اپنا کلام پیش کیا ۔