گلبرگہ کے لوگوں نے بتایا کہ شہر میں ایس بی آئی بینک کا ہیڈ آفس ہے اور یہاں گزشتہ تین مہینوں سے گٹر کا پانی سڑکوں پر آگیا ہے جس کی وجہ سے سڑکیں تالاب کی شکل میں نظر آرہی ہیں۔
اس روڈ پر ایس بی آئی بینک ہونے کے باوجود کارپوریشن کی جانب سے لاپروائی برتی جارہی ہے اور عوام کو اس گندے پانی سے گزر کر ہی بینک آنا پڑرہا ہے۔
اس معاملے میں ایس بی آئی بینک کے افسران بھی لاپروائی کا مظاہرہ کررہے ہیں. بینک کی جانب سے انتظامیہ کو ایک بار بھی نہیں کہا گیا کہ بینک صارفین کس مشکل سے گزرکر یہاں تک پہنچتے ہیں۔
گلبرگہ شہر میں کورونا متاثرین کی تعداد میں اضافہ دیکھا جارہا ہے اور ایسے حالات میں گندا پانی راستوں پر دیکھا جارہا ہے اور عوام کو اس سے کافی تکالیف کا سامنا کرنا پڑرہا ہے۔
عوام کا مطالبہ ہے کہ کارپوریشن جلد از جلد اس جانب توجہ دے اور روڈ کی معیاری تعمیر کروائے۔