گلبرگہ: عیدالاضحٰی کے موقع پر امن کمیٹی کا اجلاس

ریاست کرناٹک کے شہر گلبرگہ کے روضہ پولیس اسٹیشن میں عیدالاضحٰی کے پیش نظر ڈپٹی کمشنر آف پولیس شری ڈکا کشور بابو کی صدارت میں امن کمیٹی کا اجلاس منعقد کیاگیا۔

اس موقع پر شہر کے کئ مسلم تنظیموں نے شرکت کی،عیدالاضحٰی کے موقع پر پیش آنے والے متعدد مسائل جیسے ٹرافک، قربانی کے بعد غلاظت کی صفائی، اور قربانی کے جانوروں کی گاڑیاں پکڑے جانے والے واقعات پر بھی بحث کی گئی۔

اس موقعہ پر ڈپٹی کمیشنر آف پولیس شری ڈکا بابو نے کہا کہ شہر میں عیدالاضحٰی کو امن و امان کے ساتھ منانے کی کوشش کریں۔

انھوں نے عوام سے گزارش کی ہے کہ' وہاس موقع پر قانون کو اپنے ہاتھ میں لینے کی کوشش نہ کریں اور اگر اس دوران کوئی معاملہ پیش آئے تو فوراً پولیس کو اطلاع کریں۔