کورونا ٹسٹ کی تجویز کے بعد ڈاکٹر پر حملہ

کرناٹک کے بنگلور میں واقع نارائن کلینک کے ایک ڈاکٹر پر مریض کی جانب سے حملہ کرنے کا واقعہ پیش آیا۔

نارائن کلینک کے ڈاکٹر نے مریض کو علاج سے قبل کورونا ٹسٹ کرنے کا مشورہ دیا تھا، جس پر ناراض ہوکر مریض نے ڈاکٹر پر حملہ کردیا۔

مریض جو بلڈ پریشر کے عارضہ کا شکار تھا نارائن کلینک پہنچا جبکہ ڈاکٹر جگن ناتھ نے سے کورونا ٹسٹ کروانے کی تجویز دی۔ ڈاکٹر کے مطابق علاج کروانے سے قبل ہمیں ہر مریض کا کورونا ٹسٹ کروانے کی حکومت کی جانب سے ہدایت دی گئی ہے۔

ڈاکٹر کی تجویز پر ناراض مریض اور اس کے رشتہ داروں نے ڈاکٹر اور ایمبولنس کے ڈرائیور پر حملہ کردیا جس کے نتیجہ میں ڈاکٹر اور ڈرائیور شدید زخمی ہوگئے۔ حملہ میں ایمبولنس ڈرائیور کا دانت ٹوٹ گیا۔

یہ سارا واقعہ ہسپتال کے سی سی ٹی وی کیمرہ میں ریکارڈ ہوگیا۔ اس واقعہ سے متعلق کوڈیگہلی پولیس اسٹیشن میں شکایت درج کی گئی ہے۔