گلبرگہ: گرام پنچایت ملازمین کا احتجاج

گلبرگہ کے گرام پنچایت ملازمین کا کہنا ہے کہ جب تک ان کے مطالبات پورے نہیں ہو جاتے ان کا احتجاج غیر معینہ مدت تک جاری رہے گا۔

ریاست کرناٹک کےشہر گلبرگہ میں گرام پنچایت میں خدمات انجام دینے والے ملازمین نے اپنے مطالبات کو لے کر احتجاجی مظاہرہ کیا ۔

گلبرگہ کے جگت سرکل گرام پنچایت ملازمین کی تنظیم کی جانب سے احتجاجی دھرنا دیا گیا۔

اس دوران گرام پنچایت ملازمین تنظیم کے ضلع خزانچی شوانند نے کہا کہ گلبرگہ میں کے کل 207 گرام پنچایت ملازمین اپنی خدمات کو انجام دے رہے ہیں۔

ابھی تک انھیں گذشتہ پندرہ مہینوں سے تنخواہ نہیں دی جارہی ہے۔

اور ان کی ترقی کے لئے گرام پنچایت آفیسر کے جانب سے کوئی کوشش نہیں کی جا رہی ہے۔

ان کا کہنا ہے کہ اس وجہ سے کئی برسوں سے ان کے ساتھ نا انصافی ہو رہی ہے۔

مظاہرین نے اس لئے ریاستی پنچایت وزیر ایشور پا سے کو ایک میمورنڈم روانہ کیاہے۔