سی سی ڈی کے مالک سدھارتھ لاپتہ

سابق وزیر خارجہ اور بھارتی جنتا پارٹی ( بی جے پی) کے سینیئر رہنماء ایس ایم کرشنا کے داماد اور کیفے کافی ڈے کے مالک وی جی سدھارتھ لاپتہ ہوگئے ہیں۔

واضح رہے کہ سدھارتھ سوموار کی شام گھر سے نکلے تھے اور 29 جولائی کو منگلور آرہے تھے۔ اس دن سے ہی ان کی کوئی اطلاع نہیں مل پائی ہے۔ سدھارتھ کا موبائل فون بھی سویچ آف آرہا ہے۔

سابق وزیراعظم ایچ ڈی دیو گوڑا

اطلاعات کے مطابق منگلور میں نیترواتی ندی کے پاس سے لاپتہ ہوگئے ہیں اور ان کی تلاش جاری ہے۔

منگلور کے پولیس کمیشنر سندیپ پاٹل نے کہا کہ وی جی سدھارتھ بنگلور سے یہ کہہ کر نکلے تھے کہ وہ سکلیش پور جارہے ہیں۔ لیکن راستے میں ڈرائیور سے منگلور جانے کے لیے کہا۔ نیترواتی ندی کے پاس پہنچ کر سدھارتھ گاڑی سے اترے اور اپنے ڈرائیور کو جانے کے لیے کہا۔

سدھارتھ اپنی فیملی کے ساتھ

سدھارتھ کے لاپتہ ہونے کی اطلاع ملتے ہی سابق وزیراعظم ایچ ڈی دیو گوڑا نے سابق مرکزی وزیر ایس ایم کرشنا سے انکی رہائش گاہ پر ملاقات کی۔

اس کے علاوہ کرناٹک کے وزیراعلی بی ایس یدورپا ااور سابق وزیراعلی ایچ ڈی کمار سوامی اور کانگریس رہنماء ڈی کے شیو کمار کے ساتھ کئی دیگر رہنماء بھی ایس ایم کرشنا سے ملاقات کی ہے۔

سدھارتھ کے تعلق سے اور بھی کئی طرح کی اطلاعات آ رہی ہیں جس کی تصدیق ابھی نہیں ہوپائی ہے۔ مزید تفصیلات کا انتظار ہے۔