ریاست کرناٹک کے بیدر میں 26 جنوری کے موقع پر شہریت ترمیمی قانون کے خلاف پلے منعقد کئے جانے پر گرفتار کئے گئے دو خواتین ٹیچرز سے آج رکن پارلیمان اورآل انڈیا مجلس اتحادلمسلمین کے صدر بیرسٹر اسد الدین اویسی نے جیل پہنچ کر ملاقات کی_
اطلاع کے مطابق بیدر کی دو خواتین فریدہ بیگم اور نجمہ سلطانہ کو پولیس نے شہریت ترمیمی قانون کے خلاف اسکول میں پلے منعقد کرنے پر وطن سے غداری کے تحت مقدمہ درج کرکے انہیں جیل بھیج دیا ہے ۔
جیل میں بند خواتین ٹیچرز سے اویسی نے کی ملاقات اس سے متعلق بیرسٹر اویسی نے سپرنٹینڈنٹ پولیس گیدڑ سے ملاقات کرتے ہوئے خواتین کے خلاف سنگین مقدمات درج کئے جانے کی سخت مذمت کی اورخاتون ٹیچرز کو انصاف دلانے کا تیقن کرایا۔
حالانکہ بتایا جارہا فریدہ بیگم کے طبیعت سخت علیل ہے جس کے وجہ سے ان کو گلوکوز دیا جا رہا ہے۔
وہیں نجمہ سلطانہ کے متعلق بتایا جا رہا ہے کہ وہ بیوہ خاتون ہیں جن کا ایک بیٹا ہے جس کا دیکھ بھال ان کا مکان مالک کر رہا ہے ۔
