بنگلور:مسلم نوجوانوں کی تنظیموں کی جانب سے کووڈ ویکسینیشن ڈرائیو منعقد

شہر بنگلور کی متعدد تنظیموں کی جانب سے بڑے پیمانے پر ویکسینیشن ڈرائیو کا انعقاد کیا گیا ہے۔ابھی تک اس ویکسینیشن ڈرائیو میں دو ہزار لوگوں کو ویکسین لگایا گیا۔

ریاست کرناٹک کے شہر بنگلور میں کورونا وائرس کے کیسز میں کمی ضرور آئی ہے، لیکن اس کہ دہشت ابھی بھی برقرار ہے اور ویکسین ہی اس وبا کی روک تھام میں موثر طریقہ کار ہے۔ اسی کے پیش نظر شہر بنگلور کی متعدد تنظیموں کی جانب سے بڑے پیمانے پر ویکسینیشن ڈرائیو کا انعقاد کیا گیا ہے۔

اس سلسلے میں کرول فاؤنڈیشن کے صدر عثمان شریف نے کہا کہ متعدد این جی اوز کی جانب سے چلائے جارہے بیداری مہم کامیاب نظر آرہی ہے۔ لوگ بڑی تعداد میں ویکسین لینے آرہے ہیں۔آج ویکسینیشن ڈرائیو کا دوسرا دن ہے اور ابھی تک 400 سے 500 لوگ ویکسین لگاچکےہیں۔

انہوں نے مزید بتایا کہ بی بی ایم پی ہیلتھ افسر نے بھی یہاں آکر ویکسینیشن ڈرائیو کا دورہ کیا اور وہ اس یہاں پر ویکسین لینے آئے افراد کی اتنی بڑی تعداد دیکھ کر کافی حیرت زدہ تھے۔انہوں نے ای ٹی وی بھارت کو مزید بتایا کہ یہاں کے نمائندوں کی جانب سے اس ویکسینیشن ڈرائیو میں خلل پیدا کرنے کی کوشش بھی کی گئی۔لیکن ان سب کے باوجود ہم اپنے عوامی خدمات کو انجام دیتے رہیں گے۔

وہیں بیجنگ بائٹس کے صدر محمد ابراہیم نے کہا کہ اس دو دن کے ویکسینیشن ڈرائیو میں کل دو ہزار لوگوں کو ویکسین لگایا گیا ہے۔ آئندہ ہفتے بھی ہمیں ویکسین ملنے کی امید ہے تو ہم آئندہ ہفتے بھی اس طرح کے ویکسینیشن ڈرائیو منعقد کر لوگوں کو مفت ویکسین دیں گے۔

اس موقع پر ویکسین لینے پہنچے افراد نے ٹیکہ کی اہمیت بتاتے ہوئے اپنے تجربات شئیر کرتے ہوئے عوام سے ویکسین لینے کی اپیل کی۔لوگوں نے کہا کہ ویکسین ہی اس وبا کے خلاف جاری جنگ میں ہمیں فتح دلا سکتی ہے۔

واضح رہے کہ کرناٹک میں کووڈ متاثرین کی تعداد میں بھاری کمی آئی ہے اور گزشتہ تقریباً ایک ماہ سے نافذ کردہ لاک ڈاؤن میں بھی نرمی کی گئی ہے، تاہم حکومت کی جانب سے روزانہ نائٹ کرفیو اور ویک اینڈ لاک ڈاؤن جاری رکھنے کے احکامات جاری کئے گئے ہیں۔