گلبرگہ شہر میں دن بدن سڑک حادثات میں اضافہ ہو رہا ہے۔ جیوارگی روڈ کے ریلوے پل کے قریب ایک نامعلوم گاڑی کی ٹکر سے ایک شخص ہلاک ہوگیا۔
ہلاک شدہ شخص کے اہل خانہ کو معاوضہ دینے کامطالبہ کر تے ہوئے مقامی لوگوں اور مہلوک کے رشتے داروں نے سڑک پر لاش رکھ کر احتجاج کیا۔
پنچ شیل نگر کی مین روڈ پر لاش رکھ کر احتجاج کی وجہ سے ٹریفک بری طرح سے جام ہوگیا۔اس موقع پر مظاہرین نے مطالبہ کیا کہ محکمہ گلبرگہ پولیس گاڑی کے ڈرائیور کا پتہ لگا کر اسے جلد از جلد گرفتار کرےاور ہلاک شدہ شخص کے خاندان کو مناسب معاوضہ دیا جائے ۔
اس کے علاوہ مظاہرین نے مطالبہ کیا کہ آئنده اس قسم کے حادثات کو روکنے کے لیے احتیاتی اقدامات اٹھائے جایئں۔
مرنے والے شخص نے اپنے پیچھے بیوی اور تین اولادوں میں دو لڑکیان اور ایک لڑکا چھوڑا ہے۔ گھر میں کمانے والا وہ اکیلا شخص تھا جس کے سہارے گھر چلتا تھا۔