'وبا کے دوران گھروں میں عبادت کریں، جماعت کا ثواب ملے گا'

ماہ صیام کے متبرک ایام ہیں اور کورونا وائرس کی وباء سے احتیاط کے ساتھ لوگ عبادتوں میں مشغول ہیں۔

لیکن متعدد مقامات سے ایسی خبریں ہیں کہ چند لوگ امارت شریعہ اور حکومت کی جانب سے بتائے گئے احتیاتی تدابیر پر عمل نہ کرتے ہوئے مساجد کا رخ کر رہے ہیں جس سے لاء اینڈ آرڈر کے مسائل ہو رہے ہیں۔

ان حالات میں معروف عالم دین مولانا لطف اللہ رشادی نے مسلمانوں سے خاص طور پر اپیل کی کہ وہ ہرگز ہرگز نمازیں، تراویح وغیرہ کے لیے گھر سے نہ نکلیں اور گھر پر ہی ادا کریں۔

مولانا نے کہا کہ حالات سازگار نہیں اور سازشوں کے دور میں یہ ہمارے لیے بہتر ہوگا ہم چھوٹی موٹی غلطیوں سے پرہیز کریں اور دین و قوم کی عزت کا مذاق نہ بنائیں۔