کرناٹک کے وزیراعلی بی ایس یدی یورپا نے جمعہ کو واضح کیا کہ ریاست میں لاک ڈاون کو پھر سے نافذ کرنے پر کوئی بات چیت یا میٹنگ منعقد نہیں کی گئی ہے۔
یدی یورپا نے کہا کہ کچھ میڈیا چینلز کی طرف سے اس طرح کی خبر پھیلائی گئی ہے۔ انہوں نے اس بات سے صاف انکار کیا کہ لاک ڈاون نافذ کرنے کے سلسلہ میں ایسی کوئی میٹنگ ہوئی ہے۔
انہوں نے اعتراف کیا کہ ریاست میں متاثرین کی تعداد میں اضافہ ہوا ہے لیکن لاک ڈاون نافذ کرنے کے بارے میں جلد بازی میں کوئی بھی فیصلہ کرنے سے ریاست کی معیشت متاثر ہوگی۔ انہوں نے کہا کہ جس بھی طرح کے دباو کا سامنا کرنا پڑے لیکن حکومت پھر سے لاک ڈاون نافذ نہیں کرے گی۔
وزیراعلی نے کہاکہ لاک ڈاون کے بجائے حکومت نے بڑھتے معاملات کو کنٹرول کرنے کیلئے اسکیم بنائی ہے جس کے تحت سنجیدہ اور سخت اقدامات کئے جائیں گے۔
وزیراعلی نے دعوی کیا کہ حکومت اقتصادی سرگرمیوں اور کورونا دونوں کو کنٹرول کرنے کے لئے کئی اقدامات کررہی ہے۔