Newly-Wed Hindu Youth Hosts Iftar Party At Mosque: ہندو دولہے نے مسجد میں افطار پارٹی کا اہتمام کیا

کرناٹک میں نوشادی شدہ ہندو نوجوان نے اپنے مسلم دوستوں کے لیے مسجد میں افطار پارٹی کا اہتمام کیا جنہوں نے رمضان میں روزے کی وجہ سے اس کی شادی میں شرکت نہیں کی تھی۔ Newly-Wed Hindu Youth Hosts Iftar Party At Mosque

جہاں ایک طرف ملک میں فرقہ وارانہ منافرت میں اضافہ دیکھا جارہا ہے وہیں کچھ لوگوں فرقہ وارانہ ہم آہنگی کی بہترین مثالیں بھی پیش کررہے ہیں۔ کرناٹک میں فرقہ وارانہ طور پر حساس جنوبی ضلع میں ایک ہندو نوجوان نے فرقہ وارانہ ہم آہنگی کی ایک عظیم مثال پیش کی ہے۔ اس نوجوان نے بنٹوال تعلقہ کے وٹل میں واقع ایک مسجد میں افطار پارٹی کا اہتمام کیا۔ وٹل میں بیریکٹے کے رہنے والے جے چندرشیکر کی 24 اپریل کو شادی ہوئی تھی، چونکہ مسلمان ماہ رمصان کے دوران روزہ رہتے ہیں اسی لیے کئی مسلمان دوست اس شادی میں شرکت نہیں کرپائے تھے۔ Newly-Wed Hindu Youth Hosts Iftar Party At Mosque

شادی میں جن دوستوں نے رمضان کی وجہ سے شرکت نہیں کی تھی ان کےلیے مسجد میں افطار پارٹی کا اہتمام کرنے کا چندر شیکھر نے فیصلہ کیا اور مسلمان دوستوں کےلیے بڑے پیمانہ پر مسجد میں افطار کا انتظام کیا۔ بعدازاں نوبیاہتا جوڑے کو جلالیہ جامع مسجد کے امام اور ذمہ داران نے مبارکباد پیش کی۔ اس موقع پر موجود تمام مسلمان دوستوں نے بھی جوڑے کو پرجوش مبارکباد پیش کی۔