بنگلور: ماں۔ بیٹی میں ملا کورونا کا نیا اسٹرین، اپارٹمنٹ کیا گیا سیل

ریاست کرناٹک کے بنگلور میں برطانیہ سے لوٹی ماں۔ بیٹی کورونا کے نئے اسٹرین سے متاثر پائی گئی ہیں۔ اطلاع ملنے کے بعد کارروائی کرتے ہوئے بی بی ایم پی نے اپارٹمنٹ کو سیل کر دیا ہے۔

بنگلور شہر کے وسنت پورا علاقے کے ایک اپارٹمنٹ میں رہنے والی ماں اور بیٹی کورونا وائرس کے نئے اسٹرین سے متاثر پائی گئی ہیں۔ رپورٹ سامنے آنے کے بعد اپارٹمنٹ کو سیل کر دیا گیا ہے۔

جانکاری کے مطابق ماں۔ بیٹی برطانیہ سے لوٹی تھیں، جس کے بعد یوکے میں پھیلے کورونا وائرس کے نئے اسٹرین سے انفیکٹیڈ ہو گئی۔ احتیاط کے طور پر، بی بی ایم پی نے اگلے 28 دنوں کے لیے اپارٹمنٹ کو سیل کر دیا ہے اور پورے علاقے میں سینیٹائزر کا چھڑکاؤ کیا جا رہا ہے۔

وہیں اپارٹمنٹ میں رہنے والے لوگوں کی رپورٹ منفی پائی گئی ہے، جس کے بعد لوگوں نے کورنٹین ہونے سے انکار کر دیا، جس کے بعد بی بی ایم پی کو اپارٹمنٹ سیل کرنا پڑا۔

برطانیہ سے لوٹے جے پی نگر کے ایک باشندے کو بھی کورونا وائرس کے نئے اسٹرین سے انفیکٹیڈ پایا گیا ہے۔ غورطلب ہے کہ کورونا وائرس کے پھیلاؤ کو روکنے کے لیے احتیاطی طور پر بی بی ایم پی اپارٹمنٹ کو سیل کر رہی ہے اور ان لوگوں کے رابطے میں آئے لوگوں کی تلاش کر رہی ہے۔