مشاعرہ کا آغاز مولانا قاری قاسم الجنیدی خطیب و امام مسجد رحمانیہ کی قرآت سے کیا گیا جبکہ ساجد نظامی نے پہلی نعت پڑھی۔ حیدر علی باغبان اس نعتیہ مشاعرے کے آرگنائزر رہے۔ اس دوران شہر کے مقامی شعرأ نے بھی اپنے نعتیہ کلام پیش کیے۔ مشاعرے کی نظامت مولوی گیسو دراز نے انجام دی۔
یکم ربیع الاول عید میلاد النبیؐ کے موقع پر گلبرگہ شہر سے تعلق رکھنے والے اسلامی اسکالر مولانا جاوید قاسمی نے کہا کہ ملک بھر میں اس طرح کے اجلاس منعقد کر کے حضرت محمدؐ کی سیرت پر روشنی ڈالی جائے۔
واضح رہے کہ ملک بھر میں قہر برپا کردینے والی مہلک وبأ کورونا وائرس کی وجہ سے کہیں پر بھی بڑے پیمانے پر اجلاس کرنے کی اجازت نہیں ہے۔ یہی وجہ ہے کہ لاکھوں فرزندان توحید اپنے اپنے طور پر گھر یا محلوں میں ہی چھوٹے پیمانے پر سیرت مصطفیٰ کی حالات زندگی پر روشنی ڈال رہے ہیں۔