بنگلور: بے سہارا بزرگوں کا سہارا بنا میسور اولڈ ایج ہوم

کسی کو وقت اور حالات نے بے سہارا کردیا تو کسی کو اپنوں نے گھر کا بوجھ سمجھ گھر سے باہر نکال دیا تو ایسے افراد جو بے سہارا و لاچار ہو گئے۔ ان کو میسور اولڈ ایج ہوم نے جگہ دی ۔ اور ان کو بہتر طریقے سے کھانے، پینے اور رہنے کا انتظام کر رہا ہے۔

بڑی آبادی کے درمیان کچھ مرض میں مبتلا ایسے بزرگ ہیں، جو سڑکوں پر یا مساجد و مندروں کی سیڑھیوں پر پڑے ہوئے ہیں اور چند بزرگوں کو ان کی اولاد نے گھروں سے نکال دیا ہے جن کا کوئی پرسان حال نہیں۔ ان دردناک حالات میں تڑپتے مجبور بزرگوں کے سہارے کے لئے شہر میسور کے درد رکھنے والے شیخ مقصود کی قیادت میں مفکر و دانشور حضرات کی جانب سے "میسور اولڈ ایج ہوم" کا قیام عمل میں آیا۔ یہ اولڈ ایج ہوم کرناٹک کے میسور میں واقع ہے۔

اس سلسلے میں ای ٹی وی بھارت سے بات کرتے ہوئے میسور اولڈ ایج ہوم کے سیکرٹری سید کامران نے بتایا کہ اولڈ ایج ہوم کے اخراجات شہر کے اہل خیر حضرات کی جانب سے پر کئے جاتے ہیں۔

بے سہارا بزرگوں کا سہارا بنا میسور اولڈ ایج ہوم

انہوں نے بتایا کہ اولڈ ایج ہوم میں مسلمانوں کے علاوہ ہندو مذہب سے تعلق رکھنے والے افراد بھی موجود ہیں۔

بے سہارا بزرگوں کا سہارا بنا میسور اولڈ ایج ہوم

سید کامران نے بتایا کہ ان کی یہ کوشش رہتی ہے کہ یہ بزرگ حضرات اپنے بیتے درد بھرے اوقات کو بھول کر ان آخری لمحات کو خوش حالی میں گزاریں۔

بے سہارا بزرگوں کا سہارا بنا میسور اولڈ ایج ہوم

سید کامران نے بتایا کہ میسور اولڈ ایج ہوم ٹرسٹ کے لئے حکومت کی جانب سے کوئی امداد نہیں مل رہی ہے، تاہم مقامی ایم ایل اے و سابق وزیر تنویر سیٹھ نے یقن دلایا ہے کہ انہیں جلد از جلد وقف کا کوئی ادارہ اولڈ ایج ہوم کے لئے دلوانے کا انتظام کریں گے۔