اترپردیش کے مظفرنگر میں 8 سال قبل ہوئے فرقہ وارانہ فساد میں تقریبا 65 مسلمانوں کا قتل عام کیا گیا تھا اور تشدد کے واقعات میں سینکڑوں زخمی بھی ہوئے تھے جبکہ فسادات میں 50 ہزار سے زائد مسلمان بے گھر ہوئے تھے۔ اس معاملے میں یوگی آدتیہ ناتھ کی بی جے پی حکومت نے فساد برپا کرنے والے ملزمین جن میں بی جے پی کے اعلیٰ رہنما بھی شامل ہیں، کے خلاف درج کیسز کو واپس لینے کے لیے عدالت سے منظوری حاصل کر لی ہے۔
مظفرنگر فساد: ایس ڈی پی آئی اترپردیش حکومت کے فیصلے کو چیلینج کرے گی
وہیں سوشل ڈیموکریٹک پارٹی آف انڈیا کے قومی جنرل سکریٹری محمد الیاس تھومبے نے کہا کہ یوگی آدتیہ ناتھ کی بی جے پی حکومت کا یہ اقدام مظفرنگر فساد میں ملوث بی جے پی کے رہنماؤں کو قانونی کارروائی سے بچانے کی کوشش ہے جو انتہائی شرمناک ہے۔