بابری مسجد کی شہادت: آج مسلم تنظیمیں یوم سیاہ منائیں گی

بابری مسجد کو شہید ہوئے 28 برس گزر چکے ہیں اور اس معاملے کو مسلم و سیکولر جماعتیں ملک ایک سانحہ نہیں بلکہ آزاد بھارت کی جمہوریت پر حملہ تصور کرتے ہیں۔

ملک بھر کی انسانیت پسند تنظیموں نے بابری مسجد سے متعلق سپریم کورٹ کے فیصلہ کو بھلے ہی قبول کرلیا ہو لیکن یہ جماعتیں بابری مسجد کی شہادت کو اب تک بھلا نہ سکی ہیں۔

حالانکہ بابری مسجد کے متعلق سپریم کورٹ کا فیصلہ ملک کے سیکولر اقدار کو ماننے والوں کے لیے حیرت انگیز رہا اور اس پر ستم یہ کہ جن ملزمین نے بابری مسجد کو شہید کیا، ساتھ ہی جن کا ذکر لبرہان کمیشن کی رپورٹ میں بھی واضح طور پر کیا گیا اور جنھیں ساری دنیا نے دیکھا ان ملزمین کو سی بی آئی کی خصوصی عدالت نے یہ کہتے ہوئے بری کردیا کہ انہیں کوئی شواہد نہیں ملے۔

اس سلسلے میں کرناٹک سمیت ملک کی دیگر ریاستوں کی مسلم تنظیموں نے اعلان کیا ہے کہ 6 دسمبر کو وہ یوم سیاہ منا رہی ہیں۔