بنگلور: کووڈ واریئرز میں عید کی بریانی و مٹھائی تقسیم

عید سعید کے موقع پر اس نیت کے ساتھ کہ شہر کے کووڈ فرنٹ لائن ورکرز، میونسپلیٹی اہلکار، پولیس اہلکار و اسی طرح دیگر برادران وطن بھی عید سعید سے لطف اندوز ہوں۔ ان میں ریاست کا معروف ادارہ "مسلم انڈسٹریلسٹس ایسوس ایشن " کی جانب سے عید کی بریانی تقسیم کی گئی۔

اس موقع پر بات کرتے ہوئے مسلم انڈسٹریلسٹ ایسوسی ایشن کی رکن سیدہ ایمن نے کہا کہ کورونا وائرس کے دہشت ناک حالات میں بھی بیشمار کووڈ واریئرز انسانیت کی خدمت میں سرگرم ہیں، لہٰذا عید کے موقع پر ادارے کی جانب سے ان میں عید کی بریانی و مٹھائی تقسیم کی گئی۔

یاد رہے کہ کرناٹک میں کووڈ کی وبا بڑی تیزی سے پھیل رہی ہے اور اس پر قابو پانے کی غرض سے حکومت کی جانب سے لاک ڈاؤن کا نفاذ کیا گیا ہے۔

مسلم انڈسٹریلسٹس ایسوس ایشن

آج عیدالفطر کے سلسلے میں چونکہ مساجد اور عیدگاہوں پر نماز پر پابندی عائد کی گئی، محکمہ پولیس کی جانب سے مسلمانوں کو ہدایت دی گئی تھی کہ وہ اپنے گھروں ہی پر نماز ادا کریں اور عید گھر پر منائیں۔ چنانچہ مسلمانوں نے صبر کا مظاہرہ کرتے ہوئے کووڈ سے بچاؤ کے لئے اپنے گھروں ہی پرعید منائیں۔