مسلم رہنما کو قانون ساز کونسل کا نمائندہ بنانے کا مطالبہ

ریاست کرناٹک میں اس مہینے 29 تاریخ کو کرناٹک قانون ساز کونسل کے انتخابات ہونے ہیں جس میں 7 سیٹوں کے لیے سبھی پارٹیاں اپنے امیدوار اتار رہی ہیں۔

اسی کے ساتھ 4 مسلم قانون ساز کونسل کے ارکان بھی سبکدوش ہو رہے ہیں۔

ان حالات میں جبکہ ریاستی اسمبلی میں کانگریس کے اراکین کم ہونے کی وجہ سے کانگریس صرف 2 امیدواروں کو انتخابات کے لیے کھڑا کر سکتی ہے لہٰذا مسلم سماجی و سیاسی حلقوں کی جانب سے کانگریس پر دباؤ بنایا جارہا ہے۔

اس سلسلے میں جمعیت العلماء ہند کے ریاستی نائب صدر مولانا شمیم سالک نے بھی کانگریس ہائی کمان سے مطالبہ کیا کہ ایک مسلم رہنما کو قانون ساز کونسل کے لیے امیدوار بنایا جائے۔