ریاست کرناٹک کے ضلع گلبرگہ میں تعمیر ملت شاخ گلبرگہ کے زیر اہتمام خواجہ بندہ نواز گیسو دراز ایوان اردو انجمن ترقی ہال میں حالات حاضرہ پر مشاعرہ کا انعقاد کیا گیا۔
حالات حاضرہ پر مشاعرہ کا انعقاد اس موقع پر مقامی نوجوان و بزرگ شعراء ڈاکٹر وحید انجم، سید سجاد علی گلبرگہ قاضی انور، ادریس تسکین صابری شاہ آباد ڈاکٹر عتیق اجمل، محمد جاوید اقبال صدیقی، انجینئر سخی سرمست، میبن احمد زخم ودیگر شعراء نے حالات حاضرہ پر عمدہ کلام پیش کیا۔ مزید اس خوبصورت موقع پر ممتاز مزاحیہ نگار منظور وقار نے اپنامزاحیہ مضمون پیش کیا جس سے سامعین خوب لطف اندوز ہوئے۔
مزید پڑھیں:
کرناٹک : یاد گیر میں دسہرہ کے موقع پر خصوصی پوجا
اس مشاعرہ کا آغاز سینئر صحافی عزیز اللہ سرمست نے کیا اور مشاعرہ کی کارروائی ای ٹی وی بھارت اردو کے نمائندہ مبین احمد زخم نے انجام دی۔ ایڈوکیٹ عبدالجبار گولہ اور ایڈوکیٹ عبدالمنان نے اظہارتشکر پیش کیا۔ انتظامات کی زمہ داری انور سلے دار سکیر یٹری تعمیر ملت گلبرگہ، شہاب الدین ایڈووکیٹ نے نبھائی۔
آپ کو بتادیں کہ' عالمی وبا کورونا وائرس کے سبب ملک گیر لاک ڈاؤن کے بعد یہاں پہلی بار اس شعری نشست کا انعقادکیاگیا ہے، اس موقع پر بھی لوگوں نے کورونا گائیڈ لائن پر عمل کرتے ہوئے بہت ہی خوبصورت انداز میں پروگرام کو بخوبی انجام تک پہنچایا۔
