گلبرگہ میں موٹر سائیکل چور گرفتار

پولیس کے مطابق گلبرگہ شہر میں روزانہ موٹر سائیکل چوری کی شکایتیں موصول ہورہی ہیں۔

ریاست کرناٹک کے گلبرگہ شہر میں پولیس نے ایک موٹر سائکل چور کو گرفتار کیا۔

پولیس نے کہا کہ گلبرگہ شہر میں روزانہ موٹرسائکل چوری کی شکایتیں موصول ہورہی ہیں۔درگاہ روڈ، مسلم چوک، نورباغ اور دیگر مقامات کےعلاوہ گھروں کے سامنے رکھے گئے، موٹر سائکلز کی چوری کے واقعات پیش آئے ہیں۔

اس سلسلے میں گلبرگہ شہر کی روضہ پولیس اسٹیشن کی ٹیم نے کاروائی کرتے ہوئے موٹر سائیکل سارق سید سلطان ولد سید عظیم الدین 34 سالہ ساکن مجکوری کو گرفتار کیا۔

اس کے قبضے سے 2 مسروقہ موٹر سائیکلز پولیس نے برآمد کی۔

اس موقع پر شریکانت بی، کٹی منی، ڈپٹی پولیس کمشنر کرائم اینڈ ٹرفیک گلبرگہ، ایس بی گریش، اے سی بی اے ڈویژن، اسلم بادشاہ، سرکل انسپکٹر روضہ پولیس اسٹیشن، محمد مدار، سکندر خان، گوپال اور دیگر موجود تھے۔