Mohammad Adnan Sami محمد عدنان سمیع کی نیٹ میں نمایاں کامیابی

بیدر ضلع میں واقع مختلف اردومیڈیم اسکولوں کے طالب علموں نے نیٹ امتحان میں شاندار کارکردگی کامظاہرہ کرکے ملک و ملت کا نام روشن کیا ہے۔مسلم طالب علموں کی کامیابی پر مسلم رہنماوں اورمذہبی قائدین نے انہیں مبارکباد دی ہے۔ Mohammad Adnan Sami

بیدر:کہتے ہیں کہ اگر حوصلے بلند ہو تو کامیابی کی راہ آسان ہو جاتی ہے ۔محنت کرنےوالوں کے لئے راہ منزل بھی آسانی سے مل جاتی ہے اس کی ایک عمدہ مثال ریاست کرناٹک کے ضلع بیدر کے چھوٹے سے گاؤں بگدل کی ہے جہاں ایک غریب گھرانے سے تعلق رکھنے والے ایک طالب علم نے نیٹ کے امتحان میں نمایاں کامیابی حاصل کرکے نہ صرف اپنے گھر والوں بلکہ پورے گاوں کا نام روشن کیاہے۔ Mohammad Adnan Sami From Bidar Qualify For Neet With Great Marks

ضلع بیدر کے چھوٹے سے گاؤں بگدلے کے رہنے والے محمد عدنان سمیع نیٹ 2022 میں 519 نمبرات حاصل کرکے ملت کا نام روشن کیا ہے۔ان کی اس کامیابی پر گاوں والوں میں خوشی کی لہر ہے۔

محمد عدنان سمیع نے میڈیا سے بات چیت کرتے ہوئے بتایا کہ میری تعلیم پہلی جماعت سے دسویں جماعت تک سرکاری اردو میڈیم اسکول بگدل ہی میں ہوئی ۔ بارہویں جماعت کی تعلیم کے لئے بیدرشہر کا معروف تعلیمی ادارہ وزڈم کالج میں داخلہ لیا۔وہاں سے بارہویں جماعت پاس کیا،

انہوں نے کہاکہ اس کے بعد وہ نیٹ کی تیاریوں میں مصروف ہوں گے ۔اس سال میں نیٹ کا امتحان دیا تھا جس میں انہیں 519 نمبرات حاصل ہوئے ہیں۔اس کے لئے بڑی محنت کی تھی ۔االلہ اس کے بدلے نمایاں کامیابی سے نوازا۔

ان کاکہنا ہے کہ انشاءاللہ انہیں میڈیکل کی سیٹ ملنے کی پوری امید ہے۔اس کے بعد آگے کی پڑھائی کی تیاری شروع ہوگی۔زندگی میں ایک مقصد ہے اور اسے حاصل کرنے کی بھرپور کوشش کریں گے۔

عدنان نے کہا کہ ان تعلق ایک غریب خاندان سے ہے۔ان کے والد ایک کسان ہیں۔عدنان سمیع کی خواہش ہے کہ ڈاکٹر بن کر غریبوں کی مدد کریں گے ۔