Rahul Gandhi Slams Modi مودی کو پرتیکشا کی درد بھری کہانی ضرور سننی چاہیے، راہل

بھارت جوڑو یاترا کے دوران راہل گاندھی نے کرناٹک کے تھانڈوپورہ میں کورونا سے متاثرہ کنبوں کے ارکان کے مسائل سنے۔ اس دوران پرتیکشا نام کی ایک چھوٹی بچی نے انہیں بتایا کہ اس کے والد کی موت کورونا سے ہوگئی تھی اور اس کی بات نہیں سنی جا رہی ہے۔ Problems of Corona affected family members

نئی دہلی: کانگریس کے سابق صدر راہل گاندھی نے حکومت پر کورونا متاثرین کے کنبوں کے بچوں کو نظر انداز کرنے کا الزام لگاتے ہوئے وزیر اعظم نریندر مودی سے ایسے بچوں کی مدد کرنے کی درخواست کی اور کہا کہ انہیں کرناٹک کی چھوٹی سے پرتیکشا کی مدد ضرور کرنی چاہیے۔ Rahul Gandhi Slams Modi

بھارت جوڑو یاترا کے دوران راہل گاندھی نے کرناٹک کے تھانڈوپورہ میں کورونا سے متاثرہ کنبوں کے ارکان کے مسائل سنے ۔ اس دوران پرتیکشا نامی ایک چھوٹی بچی نے انہیں بتایا کہ اس کے والد کی موت کورونا سے ہوگئی تھی اور اس کی بات نہیں سنی جا رہی ہے۔ اس کا کہنا ہے کہ وہ ڈاکٹر بن کر لوگوں کی خدمت کرنا چاہتی ہے۔

کانگریس کے لیڈر نے ٹویٹ کرکے مودی سے اس لڑکی کی مدد کرنے کو درخواست کرتے ہوئے کہا کہ "وزیر اعظم جی، پرتیکشا کی بات سنیں، جس نے بی جے پی حکومت کی کووڈ بدانتظامی کی وجہ سے اپنے والد کو کھو دیا۔ وہ اپنی تعلیم کو آگے بڑھانے اور کنبہ کی ضروریات کو پورا کرنے کے لیے حکومت سے مدد کی اپیل کررہی ہے۔"

کورونا متاثرین کے مسائل سننے کے بعد راہل گاندھی نے حکومت سے پوچھا، ’’کیا کووڈ متاثرین کے اہل خانہ مناسب معاوضے کے اہل نہیں ہیں؟ آپ انہیں ان کے حقوق سے کیوں محروم کر رہے ہیں؟"

یو این آئی