MLA Prabhu Chauhan بیدر کے رکن اسمبلی پربھو چوہان نے سڑک کے کاموں کا جائزہ لیا

ریاست کرناٹک کے ضلع بیدرکےسابق وزیراور ایم ایل اے پربھو چوہان نے اوراد تعلقہ میں سڑک کے کام کا جائزہ لیا۔ انہوں عہدیداروں کو کام جلد مکمل کرنے اور معیاری سڑک بنانے کی ہدایت دی۔

بیدر:سابق وزیر اور ایم ایل اے پربھو چوہان نے اوراد تعلقہ میں سڑک کے کام کا معائنہ کیا جو زیر تعمیر ہے۔ زیر تعمیر سڑک پر چل کر مشاہدہ کیا۔ اس موقع پر انہوں نے افسوس کا اظہار کیا کہ کام عوام کی توقعات کے مطابق نہیں ہو رہا ہے۔ انہوں نے کہا کہ کام کے معیار کے بارے میں مقامی لوگوں کی بہت سی شکایات کے پیش نظر میں نے اس جگہ کا دورہ کیا۔ انہوں نے کہا کہ تاخیر کے بعد کام شروع کر دیا گیا ہے۔ تاہم انہوں نے ٹھیکیدار پر کام ٹھیک سے نہ کرنے پر اعتراض کیا۔

انہوں نے کہا کہ عوام کے لیے اچھی سڑک بنائی جائے، عوام کو فائدہ پہنچانے کے لیے حکومت سے گرانٹ لا کر سڑکیں بنائی جاتی ہیں۔ سڑک اچھی ہونے پر لوگ آسانی سے سفر کر سکتے ہیں۔ بغیر کسی رکاوٹ کے اپنا کام اور کاروبار کر سکتے ہیں۔ مزید کہا کہ معیار کے معاملے میں کسی قسم کی کوتاہی برداشت نہیں کی جائے گی۔

محکمہ کے افسران سے کہا کہ صرف ٹھیکیداروں کو کام سونپ دینا کافی نہیں ہے۔بلکہ ذمہ داری سے کام مکمل کروانا چاہئے کام اس طرح کیا جائے کہ شکایات کا موقع نہ ہو۔ انہوں نے خبردار کیا کہ کام کی تکمیل کے بعد اگر کام میں کوئی کوتاہی ہوئی تو ذمہ دار اور ٹھیکیدار دونوں ذمہ دار ہوں گے۔اس موقع پر رام شیٹی ، شیوراج ، سچین راٹھوڑ اور دیگر قائدین موجود تھے۔