مسلم قیادت کو مستحکم کرنے کے لیے پُرعزم: اسدالدین اویسی

ریاست کرناٹک میں تین ستمبر کو ہونے والے کارپوریشن انتخابات کے پیش نظر سیاسی سرگرمیاں عروج پر ہیں۔ تمام سیاسی جماعتوں کے رہنما اپنے اپنے امیدواروں کے حق میں دن رات محنت کر ہے ہیں۔

ریاست کرناٹک میں ہونے والے کارپوریشن انتخابات کے پیش سیاسی جماعتیں سرگرم ہیں۔ سیاسی جماعتوں کے رہنما اپنے امیدوراوں کے حق میں ووٹوں کے حصول کے لیے جد و جہد کر تے نظر آرہے ہیں۔

اُدھر، مذکورہ انتخابات کے پیش نظر کل ہند مجلس اتحادالمسلمین کے صدر اسد الدین اویسی نے ریاست کے ہبلی، دھارواڑ اور گلبرگہ کا دورہ کیا۔

اسدالدین اویسی نے ضلع گلبرگہ کے اسلام آباد کالونی میں ایک پریس کانفرنس سے خطاب کرتے ہوئے کہا کہ ریاست میں مسلم قیادت کمزور ہوگئی ہے جس کی وجہ سے کرناٹک کے مسلمانوں کو مختلف طرح کے مسائل کا سامنا کرنا پڑرہا ہے۔

گلبرگہ میں ‌مسلم قیادت کو مضبوط کرنے کے لیے ایم آئی ایم نے گذشتہ تین ماہ قبل گلبرگہ شمال سے الیاس سیٹھ کو رکن اسمبلی کے امیدوار کے طور پر مقرر کیا ہے۔

انہوں نے کہا کہ کرناٹک کے عوام سیکولر ازم کے نام پر کانگریس کو ووٹ دیا تھا، مگر کانگریس کے متعدد ارکان اسمبلی بی جے پی میں شامل ہوگئے اور اس طرح ریاست میں بی جے پی کی حکومت بنی۔

انہوں نے کہا کہ کانگریس اور جنتا دل سیکولر ایک ہی سکہ کے دوپہلوں ہیں۔

انھوں نے الزام عائد کیا کہ کانگریس پارٹی مسلمانوں کو صرف بینک ووٹ کے طورپر استعمال کرتی ہے۔ مسلمانوں اقتدار میں حصہ داری سے محروم رکھا۔ انہوں نے سوال کیا کہ کیا قیادت مسلمانوں کا حق نہیں ہے؟