اردو اکیڈمی کی تشکیل کے لیے وزیر اعلیٰ کو یادداشت پیش

ریاست کر ناٹک گلبرگہ شہر میں کلیان کرناٹک اتسو کے دوران آئے وزیر اعلیٰ بی ایس یدورپا کو حیدرآباد سوشیل جاگرتی فورم کے جانب سے کرناٹک اردو اکیڈمی کو فوری تشکیل دینے کا مطالبہ کرتے ہوئے گلبرگہ ایئرپورٹ پر وزیر اعلیٰ بی ایس یدورپا کو یادداشت پیش کیا گیا۔

اس دوران حیدرآباد کرناٹک سوشیل جاگرتی فورم کے صدر سجاد علی رانجولی بتایا، 'پچھلے ایک سال سے کرناٹک اردو اکیڈمی کی تشکیل نہیں کی گئی۔

جس کے نتیجہ میں اکیڈمی کی سرگرمیاں ٹھپ پڑگئیں ہیں۔ کرناٹک اردو اکیڈمی اردو زبان و ادب اور تعلیم کو فروغ دینے کے لیے بنائی گئی ہے، لیکن اس کی تشکیل نہ ہونے کے نتیجہ میں اردو زبان و ادب کا بہت بڑا نقصان ہورہا ہے۔

اس لئے جلد سے جلد کرناٹک اردو کمیٹی کا چیئرمین نامزد کرنے کے لئے یادداشت پیش کیا گیا ہے۔