Shaista Yousuf نئی نسل کو اردو ادب سے جوڑنا اور ادبی صلاحیتوں کو منظرعام پر لانا محفل نساء کا اہم مقصد

محفل نساء کی ریاستی صدر شائستہ یوسف بنگلور نے اپنے دورے بیدر کے موقعے پر میڈیا سے بات کرتے ہوئے کہا کہ محفل نساء ایک ریاستی تنظیم ہے جس کی ریاست کے مختلف اضلاع میں شاخیں ہیں۔ محفل نساء کے اہم مقاصد میں نئی نسل کو اردو ادب سے جوڑنا نئی نسل میں موجودہ ادبی صلاحیتوں کو منظرعام پر لانا شامل ہے۔ Shaista Yousuf

بیدر:ریاست کرناٹک کے دارالحکومت بنگلورو میں واقع محفل نساء کی صدر شائستہ یوسف نے ای ٹی وی بھارت سے خصوصی بات چیت کے دوران خواتین کی موجودہ صورتحال پر روشی ڈالی۔ انہوں نے کہاکہ ہم نئے ستاروں کی کھوج کے عنوان سے ریاست کے مختلف اضلاع میں مختلف ادبی مقابلہ جات کرواتے ہیں جس سے سرکاری اردو میڈیم اسکول کے طلباء وطالبات میں پوشیدہ صلاحیتوں کو منظرعام پر لانے کا موقع ملتا ہے۔ کووڈ کی وجہ سے پچھلے سال اس مقابلے کا انعقاد ممکن نہیں ہو سکا تھا, لیکن حالات معمول پر واپس آنے کے بعد ہی اس سلسلے کو دوبارہ شروع کرنے کا فیصلہ کیا ہے۔ Mehfil Nisa Bengaluru President Shaista Yousuf Exclusively Talk To ETV Bharat Urdu News

ان کا کہنا ہے کہ مقابلے میں نمایاں کامیابی حاصل کرنے طلبہ و طالبات کے اعزاز میں صمد فنکشن ہال بنگلورو میں 29 نومبر کو جلسے کا انعقاد کیا جائے گا۔ اس میں ریاست کے مختلف اضلاع سے محفلِ نساء کے ذمہ داران اور طلبہ و طالبات شرکت کریں گے۔ شائستہ یوسف نے مزید کہا کہ خواتین میں لکھنے پڑھنے کا رجحان روز بروز کم ہوتا جا رہا ہے جو تشویش کا باعث ہے۔ انہوں نے خواتین سے اپیل کی کہ وہ مسلسل لکھتے اور پڑھتے رہیں۔ اس سے انہیں اپنی صلاحیت میں مزید نکھار لانے میں مدد ملے گی۔ Mehfil Nusa Bengaluru President Shaista Yousuf Exclusively Talk To ETV Bharat Urdu News